فـي غيــآبـك مـآ لـخـلق اللــه حضـوور ..

رقيقة المشاعر كتب:

يا وسيع البال ضيقت الصدور @ رحت ما علمتني وين أنت ساري.؟


في غيابك ما لخلق الله حضور @ وفي حضورك مالهم بالبال طاري


لـيــه مـا تـخـتـال يا بدر البدور@ والقصايد لك وصيفات وجواري


لك بـنات الفـكر ربات الـخـدور @ يكشفن الثامهن والجرح عاري


جعل قلب ما ملاه الصدق نور @ عند وجه الريح مايلقى مزاري


التغاضي عجز لا طال القصور @ ليه أداري؟ وأنت عني منت داري


الزمن قصير ... والدنيا تدور @ كل يوم يضيق في عيني مداري


صاحبي محتاج لك شعر وشعور @ و أحتياجي شي ما كان أختياري


من متى والغصن يختار الطيور @ من متى والبال يختار الطواري.؟


لا تسمي صمتي البارح .. غرور @ أنكساري خلف هالصمت امتواري


في غياب الشمس وش ذنب الزهور @ و المطر لا شح وش ذنب الصحاري


اللقا لحظات .. و الغيبه شهور @ تقصر الخطوات ويطول أنتظاري


لو قريت المنكتب بين السطور @ ما كتبت لغلطة العمر أعتذاري


صمت هالمينا مثل صمت القبور @ ما رسى مركب ولا لاحت صواري×?°

قصيده اعجبتني
وهذا وزن ذوقي ^_^
وان شاءالله تنال اعجابكم